Fyrri mynd
Næsta mynd
Ok
Velkomin á Hringsjá. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Erfiðasta verk í heimi er að hugsa. Það er sennilega þess vegna sem svo fáir gera það.
Henry Ford sr.
Lögreglumaðurinn ruddist inn í íbúðina um leið og dyrnar opnuðust.
Lögreglumaðurinn ruddist inn í íbúðina um leið og dyrnar opnuðust.
Nágranninn (sem átti heima við hliðina) bar vitni fyrir dómi um að innan mínútu frá því dyrnar opnuðust heyrði hann mikinn dynk er þeir skelltu mér harkalega í gólfið.
Nágranninn (sem átti heima við hliðina) bar vitni fyrir dómi um að innan mínútu frá því dyrnar opnuðust heyrði hann mikinn dynk er þeir skelltu mér harkalega í gólfið.
Áverkar eftir árásina
Áverkar eftir árásina
Áverkar eftir árásina
Áverkar eftir árásina
Áverkar eftir árásina
Áverkar eftir árásina
Áverkar eftir árásina
Áverkar eftir árásina
Einstaklingar  28. ágúst 2018

Vandræðagemsar innan lögreglunnar

Ríkissaksóknari hótar málssókn vegna blogggreinar

Arinbjörn Snorrason
Sigurður Gunnarsson
Helgi Magnús Gunnarsson
María Thejll
Þórður Clausen Þórðarson
Brynleifur Birgir Björnsson
#Lögreglan Lögreglufélag Reykjavíkur

Sannleikanum er hver sárreiðastur

Þann 14. maí. 2018 barst hótun frá starfsmanni Ríkislögmanns í gegnum þriðja aðila, bæði í gegnum síma og í tölvupósti um að Ríkissaksóknari ætli í meiðyrðamál við eiganda þessara vefsíðu ef grein um lögreglumenn verður ekki tekin niður.  Hérna má skoða tölvupóstinn
Þetta mál er að verða dálítið vandræðalegt sem er ekki skrýtið þegar reyna á að þagga niður í einstaklingum með hótunum og áreitni en það eru augljós veikleikamerki og það vefur æ meira upp á sig sem gerir það alltaf betra og betra fréttaefni. Ef það er orðið saknæmt að fjalla um lífsreynslu sína, upplifun, tjá skoðanir sínar og ályktanir þá er verið að horfa framan í verstu gerð af fasisma en ætli kerfið að saksækja menn á þessum forsendum þá verður svo að vera og verður svarað með annarri málshöfðun en það er ekki í fyrsta skipti sem stjórnvöld reyna að kúga fólk og brjóta gegn tjáningarfrelsinu og hefur verið farið með þau mál til Mannréttindadómstóls Evrópu þar sem íslenska ríkið hefur verið dæmt brotlegt. Að sjálfsögðu verður völdum fréttamiðlum leyft að fylgjast með.
Kerfið heldur þétt utan um meinta ofbeldismenn innan lögreglunnar eins og túlka má af fréttum um lögreglumenn sem eru sakaðir um ofbeldi gegn börnum og öðrum fullorðnum einstaklingum.
 
Á meðan starfsmenn ríkislögmanns sýna mikla umhyggju fyrir lagabókstafnum eru þeir á sama tíma með í fórum sínum trúnaðarupplýsingar sem þeir hvorki hafa leyfi til að taka við, hafa í sinni vörslu eða nota en send verður kvörtun til viðkomandi stofnunar.  Það má vera ljóst af þessum frábæru viðbrögðum að nokkrum hefur sviðið hressilega undan því þegar skrifað er um hvernig ofbeldisfullir lögreglumenn réðust á einstakling með brotum og ljúga til um atvik og aðstæður og falsa lögregluskýrslur og fá svo fokdýra dekurmeðferð hjá kerfinu á kostnað skattborgaranna.
Haft verður samband við valda innlenda fjölmiðla og þingmenn og nokkrar erlendar bloggsíður vegna þessa máls.

Hér atvikalýsing á því sem ég upplifði.
Þannig var að á laugardaginn 9.ágúst 2014 á milli 13.30 og 14.00 eftir hádegi, þegar ég er í makindum mínum úti á svölum í íbúðinni minni sem er í fjölbýlishúsi í blíðskaparveðri að sötra bjór og hlusta á tónlist, þá fer rafmagnið óvænt af íbúðinni minni og svo er bankað hressilega skömmu síðar á dyrnar og þegar ég opna dyrnar þá eru þar tveir lögreglumenn og annar þeirra kallar til mín að ég sé að beita ofbeldi og í sömu andrá stekkur þessi fremri og eldri (Arinbjörn Snorrason) á mig þar sem ég stend inn í íbúðinni og dregur mig út úr henni, þeir skella mér óþyrmilega í gólfið, handjárna mig og draga mig skólausan á bolnum, skilja íbúðina eftir opna (ólæsta og ég lyklalaus) út í bíl og keyra mig á lögreglustöðina og læsa mig inn í fangaklefa í að minnsta kosti tvo tíma. Engin skýrsla var tekin af mér eða mér kynnt sakarefni eða annað. Þegar mér var hleypt út síðar um daginn, þá hreyttu þeir í mig að ég skildi hafa mig á brott hið snarasta eða ég hefði verra af, en ég þurfti svo að ganga heim dálítinn spöl, sokkalaus og á bolnum eins og fyrr segir. Ég fékk sár og meiðsli á fætur og hendur þegar þeir fluttu mig á milli staða og ég tók myndir af því, fór svo til læknis og hann vottaði áverkana á mér og skráði þá.

Daginn eftir komst ég að því að nágranni minn til tíu ára hinum megin við vegginn hafði hringt á lögregluna og kvartaði um hávaða, en ég hef viðurkennt það að sjálfsögðu að hafa haft aðeins hærra en vanalega, en ég hef mjög gaman að tónlist, þennan dag voru fáir í húsinu enda var fólk úti í góða veðrinu svo mér þótti á þessum tímapunkti það vera í lagi að hækka aðeins í tónlistinni. En á upptöku sem lesendur geta hlustað á hérna á síðunni af símtali nágrannans við lögregluna eða 112 þá talar hann um mig sem veikan og svo veit ég ekki hvað honum og lögreglumönnunum fór á milli þegar þeir komu á staðinn, en ég var mjög hissa á hversu mikil heiftin var í þeim þegar þeir réðust á mig og tóku mig. Því er haldið fram að þeir hafi reynt að hafa samband við mig sem er ekki rétt. Ég var aldrei var við að hvorki nágranninn eða lögreglan reyndi að ná tali af mér enda hefði það verið hægur vandi að ná til mín ef notuð hefði verið almenn skynsemi, það hefði verið hægt að banka hjá mér á milli laga í tónlistinni, svo var gluggi nágrannans að þvottahúsinu svo nálægt svölunum mínum að hann hefði getað kallað til mín, svo gat hann hringt því ég var með símann hjá mér. Það má nefna það hér að í niðurfellingarbréfinu frá ríkissaksóknara kom fram að það stóð til að ráðast inn í íbúðina með aðstoð lyklasmiðs sem er með ólíkindum og ekki er gert að sögn reyndra annarra lögreglumanna nema stórhætta sé á ferðum. Vegna þess að ég var undir áhrifum, þá skálduðu þeir það í lögregluskýrslunni að ég hefði verið með dólgslæti þegar ég opnaði fyrir þeim, sem er þvættingur, enda gafst ekkert ráðrúm til að andmæla hvað þá meira, þegar þeir stukku á mig og fjarlægðu mig af heimili mínu.

Eftir helgina lét ég setja upp eftirlitsmyndavélakerfi í íbúðinni, þá fór ég til lögmanns og hann kærði þetta til saksóknara, sem felldi málið niður stuttu síðar á forsendum allsherjarreglu sem mér er sagt af lögmönnum að sé misnotað hugtak, en mér skilst að lögreglan og saksóknari hafi það nánast fyrir reglu að reyna að tefja fyrir og eyðileggja mál sem koma upp gegn þeim og fella þau að lokum alveg niður.
Ríkissaksóknari Helgi Magnús Gunnarsson  gerði sér og sínu starfsfólki þó það ómak að hringja í íbúana í stigaganginum og fiska eftir sögum til þess að geta svert og rægt mína persónu en það kom svo fram enn síðar í málaferlunum að einasta vörnin var að halda því fram hvað ég væri ómöguleg persóna, þetta var uppistaðan í málflutningi til varnar gegn alvarlegum brotum gegn borgurum.

Eftir að lögreglumönnunum var ljóst að þetta hafði verið kært, þá kom til lögmanns míns dæmalaus lögregluskýrsla sem var skrifuð löngu eftirá og innhélt meðal annars uppspuna um að ég hefði ekki hlýtt fyrirmælum lögreglu og annað sem var ekkert samræmi í eða tilbúningur eða úr samhengi. Þarna hefur þeim verið orðið ljóst að þetta var ekki bara einhver ræfill sem myndi ekkert gera í málinu svo þá var hafist handa við að skrifa. Samhliða þessu var mér send sektargerð um að ég hefði ekki hlýtt fyrirmælum lögreglu og svo ítrekað aftur síðar, en lögmaður minn sagði mér að hundsa hana en sektin var svo felld niður, enda hafði ég ekkert brotið af mér. Þetta var mjög ruglingslegt, það var ekki verið greint frá því hvaða fyrirmæli þetta voru og hvenær þau voru gefin og við hvaða aðstæður, áttu þau að hafa verið gefin þegar ég opnaði dyrnar og búið var að taka af strauminn af íbúðinni og allt var hljótt, um að ég skyldi lækka eða slökkva á tónlistinni?

Það kom fram í sektargerðinni að ef ég greiddi ekki sektina innan ákveðins tíma myndi ég þurfa að sitja í fangelsi í einn dag, í reglugerð um sektargerð segir að sekt sem er undir 50.000. kr að upphæð fellur ekki undir fangelsun eins og var í þessu tilfelli en sektin var svo felld niður. Hinsvegar hefði það verið auðsótt mál að biðja mig einfaldlega að lækka í tónlistinni en það var frekar ákveðið að ráðast á mig með offorsi og ofbeldi og brjóta á mér.  Samkvæmt lögregluskýrslu sem ég er með þá voru þetta lögreglumennirnir Arinbjörn Snorrason lögregluþjónn nr. 8716 og Sigurður Gunnarsson lögregluþjónn nr. 1106. Þessar aðfarir og framkoma á ekkert skylt við löggæslustörf, þetta var hreint og klárt húsbrot og líkamsárás sem var gerð alveg að tilefnislausu.

Nágranninn sem hringdi Brynleifur Birgir Björnsson
Brynleifur Birgir Björnsson þessi er lyfjafræðingur búsettur í dag að Breiðvangi í Hafnarfirði og vinnur hjá Actavis.
Upptaka af símtali Brynleifs við neyðarlínuna

Skaðabótamál gegn ríkinu
Sótt var um gjafsókn vegna málsins en
Lögskylt er samkvæmt 230. gr. laga nr. 88/2008 um meðferð sakamála að veita gjafsókn í málum þar sem settar eru fram kröfur um bætur fyrir handtöku, leit á manni eða í húsi, hald á munum rannsókn á heilsu manns, gæsluvarðhald og aðrar aðgerðir sem hafa frelsissviptingu í för með sér.
Uppfyllti umsóknin skilyrði fyrir gjafsókn sem var veitt vegna skaðabótamáls.
Það er skemmst frá að segja að ríkið var að sjálfsögðu sýknað að öllu leyti sem kemur alls ekkert á óvart.
Allir vitnisburðir voru hljóðritaðir og eru til staðar. Ekki var tekið tillit til skýrslu sálfræðings sem ég var hjá í heilt ár vegna þessa eða áverkavottorð frá lækni. Verjandi lögreglumannana var staðgengill upphaflegs verjanda sem tók við málinu á síðustu stundu var að mínu viti illa undirbúin og vörnin var eitthvað sem jafnvel leikmaður sá strax að var bara eitthvað grín, en það er bara mín persónulega skoðun.
Greinin á þessari slóð hefur fengið mikla útbreiðslu gegnum árin og kemur áralöng reynsla af markaðsetningu á netinu þar sér vel.

Tölfræði yfir kærur á hendur lögreglunni
Þann 28.Jan. 2015 birti vefsíðan Spyr.is sem sérhæfir sig í að svara fyrirspurnum frá lesendum, grein um kærur á hendur lögreglunni þar sem Ríkissaksóknaraembættið svaraði spurningunni: Hver hefur þróunin verið í kærum á hendur lögreglumanna vegna brota í starfi síðustu tíu árin?

Um 44% mála þar sem lögreglumenn eru kærðir fyrir brot á starfi, eru felld niður. Þetta kemur fram í svari Ríkissaksóknara, við fyrirspurn frá lesanda um fjölda kæra á hendur lögreglumönnum síðustu ár. Þær eru alls 313 talsins á tímabilinu 2002-2013. Af þessum málum hafa 93 mál verið niðurfelld og 4 mál þar sem fallið er frá saksókn. Kæru hefur verið vísað frá í 44 tilvikum en ákært í 12 málum og sakfellt í 8 málum.

Samtölur úr ofangreindu svari eru sem hér segir:

Kærur alls = 313
Niðurfelling = 93
Fallið frá saksókn = 4
Rannsókn hætt = 138
Kæru vísað frá = 44
Ákæra = 12
Dómur, sakfelling = 8
Dómur. Sýkna. = 5
Áfrýjað = 5
Hæstir = 4
Óafgreitt = 17

Það hefur verið mjög mikið gagnrýnt á undanförnum árum að innra eftirlit sé ekkert með störfum lögreglunnar þar sem ríkissaksóknari sem á að heita málsvari borgaranna gagnvart lögreglunni sé ekki raunverulegur sjálfstæður og óháður eftirlitsaðili vegna þess hversu náið hann vinnur með lögreglunni. Svona hefur þetta verið í áraraðir en það er ekki nema núna fyrst um síðustu áramót 2016 - 2017 sem tók til starfa sérstök eftirlitsnefnd með störfum lögreglu.
Eitt af meginhlutverkum nefndarinnar er að taka við erindum frá borgurum sem varða ætlaða refsiverða háttsemi starfsmanns lögreglu eða kvörtunum vegna starfsaðferða lögreglu eða framkomu starfsmanns lögreglu. Nefndin yfirfer erindi sem henni berast, greinir þau og kemur í viðeigandi farveg hjá héraðssaksóknara, viðkomandi lögreglustjóra eða ríkislögreglustjóra. Þessum embættum ber jafnframt að tilkynna nefndinni um kærur og kvartanir sem berast embættunum beint frá borgurum. Sjá nánar á vef innanríkisráðuneytissins

Leitað var álits hjá samtals fimm lögmönnum og voru allir sammála um að þarna hefði lögreglan farið yfir strikið og brotið gróflega á álitsbeiðanda.

Þann 16. september 2019 birtir Mbl.is þessa grein um Arinbjörn:
Ar­in­björn brot­leg­ur í starfi sínu
Ar­in­björn Snorra­son, formaður Lög­reglu­fé­lags Reykja­vík­ur, var árið 2007 ákærður fyr­ir brot í op­in­beru starfi, og lauk mál­inu með viður­laga­ákvörðun í héraðsdómi þar sem hon­um var gert að greiða sekt að fjár­hæð 200.000 krón­ur.
Var hann ákærður fyr­ir að hafa mis­notað stöðu sína sem varðstjóri hjá lög­reglu­stjór­an­um á höfuðborg­ar­svæðinu. Þetta staðfest­ir Ar­in­björn í sam­tali í Morg­un­blaðinu í dag.
Viðtal Morg­un­blaðsins við Har­ald Johann­essen rík­is­lög­reglu­stjóra á laug­ar­dag vakti mikla at­hygli og var Ar­in­björn á meðal þeirra sem tjáðu sig um viðtalið og gagn­rýndu Har­ald. Í kjöl­farið vöktu menn á net­inu máls á broti Ar­in­bjarn­ar og gagn­rýndu m.a. að hann skyldi tjá sig með slík­um hætti, í ljósi brots­ins.
Í árs­skýrslu rík­is­sak­sókn­ara frá ár­inu 2007 seg­ir að Ar­in­björn hafi verið ákærður fyr­ir að hafa „mis­notað stöðu sína sem varðstjóri hjá lög­reglu­stjór­an­um á höfuðborg­ar­svæðinu, er hann nýtti sér mannafla lög­reglu, lög­reglu­bif­reiðir og tal­stöðvar­kerfi lög­reglu í eig­in þágu og gaf fyr­ir­mæli um akst­ur með for­gangs­merkj­um og lét slík­an akst­ur viðgang­ast, á leið sinni frá heim­ili sínu til Kefla­vík­ur­flug­vall­ar, í einka­er­ind­um, svo hann missti ekki af flugi til Kaup­manna­hafn­ar og tengiflugi til Lit­há­en, sem ákærði hafði keypt flug­miða til, og með því teppt búnað og mannafla lög­reglu frá skyldu­störf­um.
Þá kem­ur fram í álits­gerð nefnd­ar um rétt­indi og skyld­ur starfs­manna rík­is­ins að af fer­il­vökt­un frá fjar­skiptamiðstöð rík­is­lög­reglu­stjóra hafi mátt sjá að bif­reiðinni sem Ar­in­björn ferðaðist með hafi hraðast verið ekið á 185 km hraða á klukku­stund.

Grein birt á mbl.is 16. september 2019.
Ar­in­björn Snorra­son, formaður Lög­reglu­fé­lags Reykja­vík­ur, var árið 2007 ákærður fyr­ir brot í op­in­beru starfi
https://www.mbl.is/frettir/innlent/2019/09/16/arinbjorn_brotlegur_i_starfi_sinu/
Sjá einnig skjáskot af greininni

Frétt RÚV um að Helgi Magnús Gunnarsson varasaksóknari er áminntur vegna ósæmilegrar háttsemi.
https://www.ruv.is/frett/2022/08/26/vararikissaksoknari-aminntur-vegna-osaemilegra-ummaela
Skjáskot af fréttinni

Nokkrir tenglar af fjölmörgum á netinu á greinar um Arinbjörn Snorrason, lögreglumann nr. 8716
Skyldi þarna vera eitthvað villandi eða niðrandi?
1. Tengill á vefsíðu
2. Tengill á vefsíðu
3. Tengill á vefsíðu
4. Tengill á vefsíðu
5. Tengill á vefsíðu
6. Tengill á vefsíðu
7. Tengill á vefsíðu

Tenglar á aðrar athyglisverðar greinar sem tengjast Þórði Clausen Þórðarsyni
1, Tengill á vefsíðu
2. Tengill á vefsíðu
3. Tengill á vefsíðu


Bætt verður jafnóðum við þessa grein eftir efnum og ástæðum.

Lykilorð:
Senda grein
Prenta
Þessi síða hefur verið skoðuð 139.144 sinnum.