Fyrri mynd
Nęsta mynd
Lögin breyta ekki hjartalaginu, en þau halda hinum hjartalausu í skefjum.
Martin Luther King.
Byggiðn,félag byggingarmanna leggur metnað sinn í að vera í fararbroddi verkalýðsfélaga á Íslandi,með því að 
veita félagsmönnum sínum framúrskarandi þjónustu.
Byggiðn,félag byggingarmanna leggur metnað sinn í að vera í fararbroddi verkalýðsfélaga á Íslandi,með því að veita félagsmönnum sínum framúrskarandi þjónustu.
Atvinnumįl  10. apríl 2014

Svona vinnur Byggiðn stéttarfélag

Segjast veita félagsmönnum sínum framúrskarandi þjónustu

Hérna segir meðal annars í texta minnisbókum sem Byggiðn hefur látið prenta og dreift til félagsmanna:

Byggiðn,félag byggingarmanna leggur metnað sinn í að vera í fararbroddi verkalýðsfélaga á Íslandi,með því að veita félagsmönnum sínum framúrskarandi þjónustu.

Hér birtist dæmi um hvernig stéttarfélagið Byggiðn vinnur fyrir félagsmenn sína.

Húsasmiður sem er félagsmaður í Byggiðn stéttarfélagi var að vinna hjá byggingarfélagi á fyrri hluta ársins 2013 sem varð gjaldþrota án þess að starfsmenn þess væru látnir sérstaklega vita eða var sagt upp með löglegum hætti,í þessu tilfelli með þriggja mánaða fyrirvara.

Hann leitar til Byggiðn um að þeir aðstoði hann við að gera kröfur í þrotabúið um að uppsagnarfresturinn yrði greiddur svo og orlof og önnur launatengd gjöld eftir því sem við átti.

Því skal haldið til haga að smiðurinn vann í ca. einn og hálfan mánuð eftir gjaldþrotið fyrir verkkaupa sem verktaki án virðisaukaskatts sem er fullkomlega löglegt.

Almennur starfsmaður hjá Byggiðn var fljótur til svara og mat það svo að Byggiðn gæti ekki gert þetta og þetta yrði ekki ferð til fjár og hafnaði þessari beiðni félagsmannsins/smiðsins um lagalega aðstoð að sögn vegna þess að hann hafi verið að vinna á tímabili sem verktaki.

Húsasmiðnum sem hafði nú séð ýmislegt vissi að þetta gæti ekki staðist hjá Byggiðn,en réð eigin lögmann til þess að annast um málið og tók það tiltölulega stuttan tíma og með ágætis árangri að innheimta þessi laun.

Í mars 2014 sendi húsasmiðurinn formanni Byggiðn tölvupóst með gögnum um uppgjör frá Ábyrgðasjóði launa og reikning frá lögmanni og rakti þar málið og greindi honum frá því að Byggiðn hefði hafnað lagalegri aðstoð og að hann hefði samt sem áður fengið sér lögmann með ágætis árangri og vildi fá formlegt svar frá Byggiðn um það hvort stéttarfélagið myndi vilja taka þátt í því að greiða kostnað við innheimuaðgerðina vegna gjaldþrotsins.

Hérna fer svarið frá formanni Byggiðnar Finnbirni Hermannsyni:

Hvað varðar erindi þitt er ljóst að þú hefur gefið skiptastjóra upp að þú hafir verið launamaður einnig síðasta mánuðinn sem þú gafst okkur upp að þú hafir sent reikning sem verktaki. Þar sem við þurfum að vera trúverðugir gagnvart ábyrgðasjóði launa vegna fjölda mála sem við eigum undir hjá þeim, getum við ekki hagrætt sannleikanum og því var okkur ekki þessi leið fær. Hvað varðar kostnað sem félagið tekur á sig þá er það regla hjá okkur að við tökum á okkur þann kostnað sem hlýst við undirbúning máls og síðan nýtur félgsmaður afsláttakjara hjá okkar lögmanni. Ef við þurfum að fara í mál fyrir okkar félagsmann sem við metum prófmál og varðar fleiri en viðkomandi félagsmann greiðir félagið og tekur ábyrgð á öllum kostnaði. Þannig mál þarf að samþykkja fyrirfram áður en farið er í viðkomandi mál.

Semsagt að húsasmiðurinn var þá bara að ljúga að Byggiðn svo að það virtist vera ein ástæðan fyrir því að ekki var mögulegt að aðstoða við málið.

Eftir að þetta undarlega svar barst voru frekari gögn send til félagsins sem tengdust þessu máli,enda væri það borðliggjandi að ef smiðurinn hefði reynt að hagræða staðreyndum og/eða gögnum þá hefði það aldrei farið í gegn hjá Ábyrgðasjóði launa eða skiptastjóra sem var nú þegar frágengið samkvæmt ollum stöðlum og reglum.

Varðandi það að smiðurinn sé að hagræða sannleikanum,er bara eitthvert neyðarúrræði sem Finnbjörn hefur gripið til í svari sínu en ekki faglegt svar til félagsmanns og einungis til þess fallið að komast hjá þessari vinnu og kostnaði við það. Þetta verður hann að sanna,en ekki að fara með fleipur.

Aftur skal birt það sem Byggiðn telur vera hinn gullna sannleik:

Í texta í minnisbókum sem Byggiðn hefur látið prenta og dreift til félagsmanna segir:

Byggiðn,félag byggingarmanna leggur metnað sinn í að vera í fararbroddi verkalýðsfélaga á Íslandi,með því að veita félagsmönnum sínum framúrskarandi þjónustu.





Lykilorš:
Senda grein
Prenta
Žessi sķša hefur veriš skošuš 926 sinnum.